الفـــــــــــــــــــ ؟ ــــــــــــــــــراق

الفراق دى كلمة تتوصف فـ كام سطر ؟
الفراق كلمة بنا ..يمكن الشئ اللى رغم اختلافنا اجتمعنا انا و انت فيه
الشوق سهم راشق فـ جسد حب ميت بيرتاح فى قبره من سنين
مرت سنة و اتـنين و انت ناسى احنا كنا مين
يمكن كنت حلم عابر جوى خطرك بس بالنسبة لى عمرك مكنت عابر سبيل

كنت صاحب الف خطوة فى مشورنا للالف ميل
ميل حلمنا انا وانت دايما نمشى فيه خط مستقيم
و انكسر الحلم ..لا و انكسرنا
هزمتنى و اهانـتنى ..و رد فعلى مختلفش كتير
بس بعدين سالت نفسى هو يعنى مش لو الحب بنا هتعود لى تانى انسان جديد
و لا يعنى فاكر ان بُعدك ده على شئ يسير

و الله مانت عارف اى حاجة ..ده انت كنت لى كل شئ
كنت عمرى و ابتسمتى و الحلم اللى قربت اعيشه
و بعد اللى اتقال و اللى كان
انتظرت كلمة منك تفتح بيها كل البـيـيـبان
كلمة سهلة بس لو كان قلبك شجاع
و انتظرت ..و انتظرت ..و طال الانتظار و انت عشت و ما فتكرت و لا جيه فى بالك اللى وراء البـيـيـبان

كنت شايلة الف كلمة من كلام الحب اقلهم لما تيجي
كنت فكرة انى عمرى هعيشه تانى لما تيجى
و عشت وهم .. كل مرة يبقى صعب على الاختيار
انى اعيش فى واقع مفيهوش اسمك معاى و يكون نصيبى دايما فراق
و تعبت..حقيقى تعبت من الاستغماية
مهو ينرجع ..يا ننهى الحكاية
و لا ما علينا فين اولها ولا اخرها
و هى الدنيا دايرة و مصيرنا فى يوم نجتمع وقت النهاية

Thursday, 14 Jan 2010